ခေမာရောင်စဉ်များ - သိရိဇွန်

"ကျွန်မ ဘဝမှာ အမြဲ သဘောကျခဲ့တဲ့ စကားလေး တစ်ခွန်းရှိတယ်။ 'ကိုယ်ဖတ်ချင်တဲ့ စာအုပ်က မရေးရသေးရင် ၊ မရှိသေးရင် ကိုယ့်ဟာကိုယ် ရေးပါ' တဲ့။ ကျွန်မ အတွက် ခေမာ ရောင်စဉ်များက အဲ့ဒီလိုစာအုပ်ပါပဲ။ ကျွန်မ ကိုယ်တိုင်ဖတ်ချင်လို့ ရေးထားတဲ့ စာအုပ်ပဲ ဆိုပါတော့...."

𝑺𝒕𝒂𝒚 𝑯𝒐𝒎𝒆 ရက်တွေမှာ စာအုပ်တွေ ပိုဖတ်မယ် ၊ ရုပ်ရှင်တွေ ပိုကြည့်မယ် စဉ်းစားအပြီးမှာ ပထမဆုံးပြီးအောင် ဖတ်ဖြစ်တဲ့ စာအုပ်က ဒီ " ခေမာရောင်စဉ်များ" ...။ အမှန်တော့ စာရေးသူနဲ့ကတော့ အတော်စိမ်းတယ် ၊ သူ့ရဲ့ ပထမဆုံးလက်ရာလည်း ဖြစ်ပုံရတယ် ။ နည်းနည်းတော့ စဉ်းစားရတာပေါ့ ။ သို့ပေသိ အမှာစာမဟုတ်တဲ့ မိတ်ဆက်စာပဲ ပြောမလား အဲ့ဒီမယ်ပါတဲ့ စကားလုံးတွေကြောင့် ဝယ်ဖြစ်သွားတယ်ပေါ့ ....။

တကယ်တော့ အရမ်းထူးခြားဆန်းပြားတဲ့ ဇာတ်လမ်းမျိုးမဟုတ်ဘူး သို့ပေမယ့်လည်း အရေးအသား ခပ်သွက်သွက်နဲ့ မြီးကောင်ပေါက်ကလေးတွေရဲ့ စိတ်အခန်းကဏ္ဍကို ခပ်ပါးပါးလေး လှစ်ပြထားတယ် ။ အဓိက ဇာတ်ကောင် ညီအမ ဖြစ်တဲ့ ခေမာ နဲ့ ကြည်ပြာ ဆိုတဲ့ ညီအမနှစ်ယောက် ။ မြီးကောင်ပေါက်လေးတွေပေါ့ ။ မတည့်အတူနေလို့ပဲပြောပြော ၊ တစ်ယောက်မရှိလို့ တစ်ယောက်မဖြစ်တဲ့ စရိုက်မတူတဲ့ ညီအမ နှစ်ယောက်ရဲ့ တွယ်တာမှု ၊ နှောင်ဖွဲ့မှုတွေ တွေကို ပေ့ါပေါ့ပါးပါးလေး ခံစားသက်ဝင်မိစေတဲ့စာအုပ် ...။

ကျွန်တော်တို့တွေက (၁၁)နှစ်ကနေ (၁၅)နှစ်အရွယ်မှာ စိတ်ပိုင်းဆိုင်ရာရော ရုပ်ပိုင်းဆိုင်ရာပါ ပြောင်းလဲခဲ့ကြ ၊ ပြောင်းလဲတတ်ကြတယ် ။ တကယ်တမ်း အဲ့ဒီအရွယ်မှာ ကြုံတွေခဲ့ရတာတွေက
ကြီးပြင်းလာတဲ့အခါမှာ ကျွန်တော်တို့ ပုံရိပ်ကို အများကြီးထင်ဟပ်စေတာ အမှန်တရားတွေပဲလေ ။  ငယ်ဘဝမှာ ရခဲ့တဲ့ 𝑇𝑟𝑎𝑢𝑚𝑎 တွေကြောင့် လက်ရှိအခြေအနေကို ရိုက်ခတ်စေတာလည်း အများသားကိုနော့ ...။ အဲ့ဒီအရွယ်မှာ သင်ယူခဲ့တာတွေကလည်း တစ်ဘဝလုံးအတွက် အထောက်အပံ့ဖြစ်စေမှာလဲ မလွဲပါဘူး ။

နောက်ပြီး ကျွန်တော်က အဖေနဲ့ နီးနီးကပ်ကပ် မရှိခဲ့လို့လားတော့ မသိဘူး ၊ အဖေနဲ့ ရင်းနှီးတဲ့ မိသားစုတွေ (အထူးသဖြင့်) သမီးတွေဆို အားကျတယ် ၊ သဘောကျတယ် ။ ခေမာရော ၊ ကြည်ပြာရောက သူ့အဖေနဲ့ ကဗျာတွေ အတူရွတ်ကြတဲ့ ပုံရိပ်တွေကို ပုံဖော်ကြည့်ရတာ ကြည်နူးစရာပဲ....။ ဒီစာအုပ်ထဲမှာ စာရေးသူ ရည်ညွှန်းထားတဲ့ 𝗥𝗼𝗯𝗲𝗿𝘁 𝗙𝗿𝗼𝘀𝘁 ရဲ့ 𝐒𝐭𝐨𝐩𝐩𝐢𝐧𝐠 𝐛𝐲 𝐖𝐨𝐨𝐝𝐬 𝐨𝐧 𝐚 𝐒𝐧𝐨𝐰𝐲 𝐄𝐯𝐞𝐧𝐢𝐧𝐠 ဆိုတဲ့ ကဗျာထဲက 𝑴𝒊𝒍𝒆𝒔 𝒕𝒐 𝒈𝒐 𝒃𝒆𝒇𝒐𝒓𝒆 𝑰 𝒔𝒍𝒆𝒆𝒑 ဆိုတဲ့ စကားလုံးလေးတောင် သဘောကျလို့ ၊ စာအုပ်တွေနဲ့ ရုပ်ရှင်တွေ အကြောင်းရေးမယ့် ဒီ 𝑨𝒍𝒃𝒖𝒎 𝑵𝒂𝒎𝒆 အဖြစ်ပေးထားသေးတယ္ ။ "မအိပ်စက်ခင်မိုင်ပေါင်းများစွာ" တဲ့ ။ မအိပ်ခင် ဖတ်တဲ့ စာတွေနဲ့ ကြည့်ဖြစ်တဲ့ ရုပ်ရှင်တွေ အကြောင်းပေါ့....။

သိပ်အများကြီး မညွှန်းတတ်လို့ အရှည်ကြီးတွေ ပြောမနေတော့ဘူး ။ 𝘊𝘩𝘪𝘭𝘥 𝘗𝘴𝘺𝘤𝘩𝘰𝘭𝘰𝘨𝘺 တို့ 𝘗𝘢𝘳𝘦𝘯𝘵𝘪𝘯𝘨 တို့ကို စိတ်ဝင်စားတဲ့ ကျွန်တော့် 𝘗𝘦𝘳𝘴𝘰𝘯𝘢𝘭 𝘙𝘢𝘵𝘪𝘯𝘨 အရတော့ (3 & 𝘩𝘢𝘭𝘧 𝘴𝘵𝘢𝘳) ⭐⭐⭐✨ ပါ ။ ဆိုတော့ စိတ်ဝင်စားရင်တော့ မြည်းစမ်းကြည့်ကြပါဦးလို့.....။

စာအုပ်အမည် - ခေမာရောင်စဉ်များ
စာရေးသူ - သိရိဇွန်
တန်ဖိုး - ၂၅၀၀ ကျပ်

♥ M ♥

© hsulittlediary.blogspot.com. All Rights Reserved.